कैलाली- भारी बर्षाका कारण पहिरो आउदा डडेल्धुरा-डोटी सडक अबरुद्ध भएको छ ।

डडेल्धुराको गन्यापधुरा गाउपालिकाको वडा नम्बर २ रडुवा र ३ पुलाउ खोला, खडाखोला लगायत आधा दर्जन स्थानमा पहिरो खसेको छ ।

जिल्ला प्रहरी कार्यालय डडेल्धुराका अनुसार पहिरोका कारण केआइसिंह राजमार्गको डडेल्धुरा-डोटी सडक पुर्ण रुपमा अबरुद्ध भएको छ ।

सडक अबरुद्ध हुँदा दर्जन बढी सवारीसाधन बाटोमा अलपत्र परेका छन । अबरुद्ध सडक खुलाउने प्रयास भैरहेको प्रहरीले जानकारी दिएको छ ।