हुम्ला- सिमकोट गाउँपालिका–२ को ठेहे गाउँतर्फ जाँदै गरेको ट्याक्टर दुर्घटना हुँदा चालक सहित दुई जना घाइते भएका छन् । सिमकोटबाट ठेहेतर्फ जाँदै गरेको ट्याक्टर वडा नम्बर २ को पैरापोरीमा दुर्घटना हुँदा दुई जना घाइते भएका हुन् ।
सिमकोटबाट ठेहेतर्फ जाँदै गरेको ट्याक्टर सिमकोट गाउँपालिका–२ को पैरापोरी भन्ने स्थानमा र्दुघटना हुँदा चालक र सहचालक घाईते भएको प्रहरी निरीक्षक नरेन्द्र चन्दले जानकारी दिए । उनका अनुसार कच्ची सडकबाट पचास मिटर तल खसेको ट्याक्टर दुर्घटनाबाट सिमकोट गाउँपालिका– ६ का चालक २७ वर्षका धनबहादुर सुनार र सहचालक सिमकोट गाउँपालिका– २ का २३ वर्षका प्रिती सुनार घाइते भएका छन् ।
घाइते दुबै जनालाई ठेहे स्वास्थ्य चौकीमा प्राथमिक उपचारपछि जिल्ला अस्पतालमा ल्याई पुर्याएर उपचार सुरु भएको छ । कर्णली प्रदेश ०२००१ त ० ३५२ नम्बर ट्याक्टर दुर्घटना भएको हो ।