काठमाडौं- काठमाडौं महानगरपालिका-१४ बल्खु चोकस्थित सडकमा ना.६ ख २२०३ नम्बरको ट्रकले बा.प्र.०२-०१६ प ७११४ नम्बरको स्कुटरलाई आइतबार बिहान ठक्कर दिँदा स्कुटरमा पछाडि सवार सोही महानगरपालिका-१४ बल्खु बस्ने रौतहट राजपुर नगरपालिका-१ घर भएकी ३५ वर्षीया सरिता कुमारी गुप्ताको छोरा १३ वर्षीय आदित्य गुप्ताको मृत्यु भएको छ । ठक्करबाट गम्भीर घाइते भएका उनको बल्खुस्थित बयोधा अस्पतालमा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।
भक्तपुर मध्यपुर ठिमी नगरपालिका-४ नयाँठिमीस्थित सडकमा बा.४ ख २९०१ नम्बरको टिपरले ग.७ प ५३५३ नम्बरको मोटरसाइकललाई गएराति ठक्कर दिँदा मोटरसाइकल चालक चाँगुनारायण नगरपालिका-६ बस्ने २६ वर्षीय सुवाश मोक्तानको मृत्यु भएको छ । ठक्करबाट गम्भीर घाइते भएका उनको मध्यपुर अस्पतालमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार १ जनाको सोही अस्पतालमा उपचार भइरहेको छ । टिपर चालकलाई प्रहरीले नियन्त्रणमा लिएको छ ।
मोरङ मिक्लाजुङ गाउँपालिका-१ झण्डेडाँडास्थित सडकमा बा.२७ प १८३५ नम्बरको मोटरसाइकल अनियन्त्रित भई शनिबार दिउँसो दुर्घटना हुँदा मोटरसाइकलमा सवार बेलबारी नगरपालिका-१ बस्ने सुनिल कुमार धिमालकी छोरी १३ वर्षीया सुस्मिना धिमालको मृत्यु भएको छ । दुर्घटनामा गम्भीर घाइते भएकी उनको अरनिको अस्पताल उर्लाबारीमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकल चालक सुनिल कुमार र उनकी श्रीमतीको सोही अस्पतालमा उपचार भइरहेको छ ।
झापा झापा गाउँपालिका-३ फुलगाछी चोकस्थित सडकमा प्रदेश १-०१-०१६ प-१६१२ नम्बरको मोटरसाइकल अनियन्त्रित भई आइतबार दिउँसो दुर्घटना हुँदा चालक सोही ठाउँ बस्ने ५४ वर्षीय निजामुदिन मियाको मृत्यु भएको छ । दुर्घटनामा गम्भीर घाइते भएका उनको विर्तासिटि अस्पताल विर्तामोडमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार १ जनाको सोही अस्पतालमा उपचार भइरहेको छ ।