काठमाडौं- सौर्य एयरको विमान दुर्घटनामा ज्यान गुमाएकाहरुको शव आज आफन्तहरुको जिम्मा लगाउने गरी तयारी भईरहेको छ ।

त्रिवि शिक्षण अस्पतालको फरेन्सिक विभागका प्रमुख डा गोपाल चौधरीका अनुसार दिँउसो करिब ४ बजेसम्म शव आफन्तलाई दिनेगरी तयारी थालिएको छ ।

डा चौधरीका अनुसार शवको पोष्टमार्टमको काम अन्तिम चरणमा पुगेको छ भने ४ वटा शव बढी जलेकाले डेन्टल एक्जामिनेसनमार्फत परीक्षण भइरहेको छ ।

‘पोस्टमार्टमका लागि त्रिवि शिक्षण अस्पताल, पाटन अस्पताल र भक्तपुर अस्पतालका फोरिन्सिक विशेषज्ञ लगायतका २५ जना खटिएका छन् ।

सौर्य एयरलाइन्सको विमान बुधबार त्रिभुवन अन्तर्राष्ट्रिय विमानस्थलमा दुर्घटना हुँदा १८ जनाको मृत्यु भएको थियो ।