काठमाडौं- रसुवाको नौकुण्ड गाउँपालिका अध्यक्ष नुर्बु स्याङ्बो घलेसहित १० जनाविरुद्ध मुद्दा दर्ता भएको छ ।
जुवातास खेल्दै गरेको अवस्थामा पक्राउ परेका घलेसहित काठमाडौं महानगरपालिका–६ घर भएका ७३ वर्षीय रमेश लामा, मकवानपुरको थाहा नगरपालिका–११ का ३६ वर्षीय चीनकुमार गोले, सिन्धुपाल्चोकको जुगल गाउँपालिका–२ घर भएका ३८ वर्षीय दिनेश सुनार, काठमाडौं–६ का ५२ वर्षीय प्रवीण लामाविरुद्ध पनि मुद्दा दर्ता भएको छ ।
यसैबिच, थाहा नगरपालिका–११ का ४४ वर्षीय बिष्णुकमार दोङ, सोही ठाउँका ४४ वर्षीय सुमन गोले, सिन्धुपाल्चोकको मेलम्ची नगरपालिका–१२ का ४४ वर्षीय कबिराज भन्ने शुक्र सुनार, सिन्धुपाल्चोकको साँगाचोकगढी नगरपालिका–३ का ३१ वर्षीय ऋतिक राउत र काठमाडौं–६ का ६२ वर्षीय राजु तामाङ विरुद्ध मुद्दा दायर भएको छ ।
५ साउनमा कपनबाट उनीहरुलाई प्रहरी प्रभाग कपनको टोलीले पक्राउ गरेको थियो । उनीहरूको साथबाट नगद सहित३ ७ थान क्वाइन र ६ बुक तास पनि बरामद भएको थियो ।