काठमाडौं- सौर्य एयरको जहाज दुर्घटनामा घाइते भएका पाइलट मनिष शाक्यको काठमाडौं मेडिकल कलेजमा मेरुदण्डको अपरेशनका लागि अपरेशन भईरहेको छ ।

उनको मेरुदण्डको अपरेशन गर्नुपर्ने भएकाले अपरेशन थिएटरमा लगिएको एक चिकित्सकले जानकारी दिए ।

त्यस्तै, उनको टाउकोमा पनि चोट लागेकाले न्यूरो सर्जरी गर्ने र आँखामाथिको भागमा लागेको चोटको पनि अपरेशन गर्नुपर्ने ती चिकित्सकले बताए ।

अस्पतालका हाडजोर्नी विशेषज्ञ, न्यूरोसर्जन, फिजिसियनलगायत विशेषज्ञ चिकित्सकले उनको स्वास्थ्य जाँच गरिरहेका छन् ।