रुसले शुक्रबार पश्चिम युरोपको एक भूमिगत हतियार भण्डारलाई हाइपरसोनिक मिसाइलको प्रयोग गरेर नष्ट गरेको बताएको छ।

रुसले बनाएको नयाँ किन्झाल हाइपरसोनिक मिसाइल युक्रेनको युद्धमा पहिलोपटक प्रयोग गरिएको त्यहाँको रक्षा मन्त्रालयले जानकारी दिएको छ।

रुसले युक्रेनमा जारी युद्धमा सटिक रूपमा मार हान्न सक्ने हतियार प्रयोग गरेको पहिलोपटक स्वीकारेको छ।

रुसको रक्षा मन्त्रालयका अनुसार हाइपरसोनिक मिसाइल आक्रमणबाट युक्रेनको इभानो–फ््रयान्किभ्स्की शहरको बाहिरी भागस्थित डेलिएटिन गाउँमा भण्डार गरेर राखिएको मिसाइल तथा हवाई हतियारको भूमिगत भण्डार नष्ट भएको छ। इकानो–फ्रान्किभ्स्की क्षेत्रको नेटो सदस्य रोमानियासँग ५० किलोमिटर सिमाना जोडिएको छ।

अति–उन्नत किन्झाल हाइपरसोनिक मिसाइल रुसी राष्ट्रपति भ्लादिमिर पुटिनले सन् २०१८ मा सार्वजनिक गरेका थिए।

एएफपीका अनुसार वातावरणको माथिल्लो भागमा उडेर निशानालाई भेद्ने सक्ने किन्झल मिसाइलको गति ध्वनिको गतिभन्दा १० गुणा तीव्र रहेको रुसले दाबी गरेको छ। यस्तै, मिसाइलले दुई हजार किलोमिर टाढासम्मका निशाना बनाएर नष्ट बनाउन सक्छ। साथै मिसाइलले सबै प्रकारको हवाई र मिसाइल प्रतिरक्षा प्रणालीलाई छक्याउन सक्ने रुसले दाबी गरेको छ। तथापि, रुसको दाबी स्वतन्त्र रूपमा पुष्टि भएको छैन।