काठमाडौँ । रुसले युक्रेनमाथि सैन्य हमला गरेको आज २४ औँ दिन पुगेको छ। यस क्रममा रुसी सेनाहरूले मारिओपोलमा तीव्र गतिमा हमला गरेको पश्चिमी युक्रेनको एलभिभमा पुग्न सफल भएका सर्वसाधरणले बताएका छन्,

युक्रेनको एलभिभ मा पुग्न सफल भएकी एक २८ वर्षीया युलिया याशेन्कोका अनुसार शहरमाथि गोलाबारी भइरहेको छ। उनले भनिन्, ‘हाम्रो शहर मेटिँदै छ, गोलाबारीले हाम्रा घर जलाएको छ। उनीहरूले सहरका सबै वस्तुमाथि प्रहार गरिरहेका छन्, अनेक अस्त्रहरू प्रयोग भएका छन्।’

युलियाले शहरमा जतातहीँ धुँवाको मुस्लो र शव देखिएको बताइन्। उनले भनेकी छन्, ‘तर, ती शव जम्मा गर्ने कोही छैन।’

रुसको आक्रमणबाट उक्त शहरमा ८० प्रतिशतभन्दा बढी आवासीय भवन नष्ट भएका छन्। दुई सातादेखि झण्डै चार लाख मारिओपोलमा फसेका छन्।

रुसी आक्रमणका कारण उक्त सहरमा विद्युत् र पानीको आपूर्ति बन्द भएको छ। अधिकारीका अनुसार आजोभ सागरसँग मारिओपोलको पहुँच अवरुद्ध बन्न पुगेको छ। मारिओपोल युक्रेनको प्रमुख व्यापारिक बन्दरगाह शहर हो। एजेन्सी