पाकिस्तानस्थित नेपाली राजदूत तापस अधिकारीले त्यहाँका पूर्वप्रधानमन्त्री चौधरी सुजात हुसेनसँग मंगलबार भेटवार्ता गरेका छन्।

७६ वर्षीय हुसेन पाकिस्तानका वरिष्ठ राजनीतिज्ञ हुन्। उनी सन् २००४ मा करिब तीन महिनाका लागि पाकिस्तानको १६औँ प्रधानमन्त्री बनेका थिए। उनी पाकिस्तान मुस्लिम लिगका पूर्वअध्यक्ष पनि हुन्।

राजदूत अधिकारीका अनुसार भेटका क्रममा नेपाल र पाकिस्तानबीचको द्विपक्षीय सम्बन्ध अझ मजबुत बनाउने उपायहरूबारे छलफल भएको थियो। यस्तै, दक्षिण एसियाली क्षेत्रीय सहयोग संगठन (सार्क)को प्रभावकारिताका विषयमा पनि कुराकानी भएको थियो।