चितवन– चितवन चितवन राष्ट्रिय निकुञ्जमा सेनाका हवल्दारमाथि भालुले आक्रमण गरेको छ। हवल्दारलाई भालुको आक्रमणबाट बचाउन सेनाले चलाएको गोली लागेर प्युठ घाइते भएका छन्।
चितवन राष्ट्रिय निकुञ्जको सुरक्षार्थ तैनाथ नयाँ गोरख गणमा कार्यरत हवल्दार ४० वर्ष लक्ष्मणकुमार थापालाई बिहीबार बिहान भालुले आक्रमण गरेको थियो। हवल्दार थापालाई बचाउन सेनाको गस्ती टोलीले भालुलाई गोली हान्दा प्युठ कुन्दन सिंहलाई लागेको चितवन प्रहरीले जनाएको छ।
हवल्दार थापाको कमाण्डमा कछुवानी पोष्ट नजिकै निकुञ्जको कोर क्षेत्रमा सेनाले गस्ती गरिरहेको बेला भालुले आक्रमण गरेको थियो।
दाहिने घुँडा मुनी गोली लागेका सिंह र भालुको आक्रमणबाट घाइते भएका थापा दुवैलाई भरतपुर अस्पतालमा सामान्य उपचार पछि थप उपचारको लागि काठमाडौंको छाउनी अस्पताल रिफर गरिएको सेनाले जनाएको छ।
उनीहरु सौराहास्थित गुल्ममा कार्यरत थिए।