काठमाडौं– काठमाडौंको पुतलीसडकमा पिकअपको ठक्करबाट मोटरसाइकल चालकको मृत्यु भएको छ।

काठमाडौं महानगरपालिका-२८ पुतलीसडकमा बा२१च ६४४८ नम्बरको पिकअप गाडी र बा.प्र०२-०२७प ८२८० नम्बरको मोटरसाइकल गएराति एकआपसमा जुधेको प्रहरीले जनाएको छ।

दुर्घटनामा मोटरसाइकल चालक काठमाडौं महानगरपालिका-१२ बस्ने २३ वर्षीय शाहिल देउलाको मृत्यु भएको हो। दुर्घटनामा गम्भीर घाइते भएका उनको ट्रमा सेन्टरमा उपचारको क्रममा मृत्यु भएको हो।

गाडी चालकलाई प्रहरीले नियन्त्रणमा लिएको छ।