काठमाडौं– नेपाल समाजवादी पार्टीका अध्यक्ष एवं पूर्वप्रधानमन्त्री डा. बाबुराम भट्टराईले प्रधानमन्त्री पुष्पकमल दाहाल प्रचण्ड सत्ताका लागि मरिहत्ते गरिरहेको आरोप लगाएका छन्।

१३५औं अन्तर्राष्ट्रिय श्रमिक दिवसको अवसरमा आयोजित कार्यक्रममा डा. भट्टराईले योजना, विचार, सिद्धान्त सबै छोडेर सत्तामै मरिहत्ते गरिरहेको आरोप लगाएका हुन्।

“योजना, विचार, सिद्धान्त केही चाहिंदैन, कहिले कांग्रेस, कहिले एमालेसँग मिल्यो सत्ता चलायो। सत्ताका लागि मरिहत्ते गरेर उहाँले जे पनि गरिरहनु भएको छ।” उनले भने।

सत्ताका लागि जे गर्न पनि तयार हुने पहिल्यै थाहा भएको भन्दै माओवादी आन्दोलनमा लागेकाहरूलाई समेटेर नयाँ ढंगले अघि बढ्ने योजना प्रचण्डकै कारण असफल भएको टिप्पणी गरे।