मुस्ताङ– काठमाडौंको अनामनगरस्थित लिबर्टी कलेजबाट शैक्षिक भ्रमणमा गएको बस मुस्ताङको वारागुङ मुक्तिक्षेत्र गाउँपालिका-४, कागबेनीमा पर्ने मुक्तिनाथ सडकखण्डको सेल्फिडाँडामुनि घुम्तीमा दुर्घटनामा परेको छ।

प्रदेश नम्बर ३ ०१००६ ख ६२२ नम्बरको बस मंगलबार बिहान ९ बजे ब्रेक फेल भई सडकमा पल्टिँदा २१ जना यात्रु घाइते भएका जिल्ला प्रहरी कार्यालय मुस्ताङले जनाएको छ।

बसमा ३३ विद्यार्थी सवार रहेको र उनीहरू मुक्तिनाथ दर्शन गरी फर्क‌दै गरेको प्रहरीले जनाएको छ। घाइते २१ विद्यार्थीको जोमसोम अस्पतालमा उपचार भइरहेको छ।