काठमाडौं– गृह मन्त्रालयले एक डीआईजी र ६ एसएसपीको सरुवा गरेको छ।

डीआईजी दुर्गा सिंह चन्दको गण्डकी प्रदेश प्रहरी प्रमुखमा सरुवा गरिएको छ। त्यस्तै ६ एसएसपीको पनि सरुवामा भएको छ। जिल्ला प्रहरी परिसर काठमाडौंको प्रमुखमा एसएसपी वसन्त रजौरेलाई पठाइएको छ भने जिल्ला प्रहरी परिसर काठमाडौंका प्रमुख भुपेन्द्र खत्रीको अपराध अनुसन्धान विभाग सरुवा भएको छ।

त्यस्तै राष्ट्रिय सुरक्षा परिषद् सचिवालयका एसएसपी सानुराम भट्टराईलाई उपत्यका अपराध महाशाखाको प्रमुखमा पठाउँदा महाशाखाका प्रमुख सोमेन्द्रसिंह राठौरलाई सुरक्षा परिषदमा सरुवा गरिएको छ।

त्यस्तै प्रहरी प्रधान कार्यालय तालिम निर्देशनालयका एसएसपी अभयनारायण काफ्लेलाई कोशी प्रदेश तालिम निर्देशनालयमा सरुवा गर्दा कोशी प्रदेश तालिम निर्देशनालयका एसएसपी राजन अधिकारीलाई प्रधान कार्यालय तालिम निर्देशनालयमा ल्याइएको छ।