काठमाडौं– त्रिभुवन अन्तर्राष्ट्रिय विमानस्थलको आगमन टनेल गेटबाट सुन जस्तो देखिने पहेलो अर्ध ठोस वस्तुसहित एक भारतीय महिला पक्राउ परेकी छन्।

करिब ८ सय ५० ग्राम सुनसहित भारतीय नागरिक ४८ वर्षीया सहिना प्रभिनलाई शुक्रबार दिउँसो प्रहरीले पक्राउ गरेको हो।

थाई एयरलाईन्सको उडानद्वारा थाईल्याण्डबाट काठमाडौं आएकी उनलाई विमानस्थलको आगमन टनेल गेटमा जाँच गर्ने क्रममा भित्री वस्त्रमा फल्स बटम बनाई प्लाष्टिकको २ वटा पोकामा रहेको उक्त तौलको वस्तुसहित फेला पारी पक्राउ गरेको हो।

यस सम्बन्धमा प्रहरीले आवश्यक अनुसन्धान गरिरहेको बताएको छ।