काठमाडौं- आज ४ वटा प्रदेशमा हल्का वर्षाको सम्भावना देखिएको जल तथा मौसम विज्ञान विभागले जनाएको छ।

विभागका अनुसार लुम्बिनी, कर्णाली, गण्डकी र सुदूरपश्‍चिमका तराई इलाकामा हावाहुरी आउने सम्भावना देखिएको छ।

नेपाली आकाशमा पश्‍चिमी र स्थानीय वायु तथा भारतको बिहार आसपासमा विकसित न्यून चापीय क्षेत्रको आंशिक प्रभाव देखिएको छ।

आज दिउँसो पहाडी भेगमा आंशिकदेखि साधारणतया बदली रही बाँकी भूभागमा आंशिक बदलीदेखि मौसम मुख्यतया सफा रहने छ। कोशी, वागमती, गण्डकी र कर्णालीका पहाडी भेगका केही मेघगर्जन र चट्याङसहित हल्का वर्षाको सम्भावना छ।

आज राति पहाडी भेगमा आंशिकदेखि साधारणतया बदली रही बाँकी भूभागमा आंशिक बदलीदेखि मौसम मुख्यतया सफा रहने छ। कोशी, वागमती, गण्डकी र कर्णालीका पहाडी क्षेत्रमा हल्का वर्षाको सम्भावना छ।