धनगढी– सुदूरपश्चिमकाे मुख्यमन्त्रीका लागि नागरिक उन्मुक्ति पार्टीका दुवै पक्षले पेस भएका दाबी अस्वीकृत भएका छन्।
प्रदेश प्रमुख नाजिर मियाँले मुख्यमन्त्रीका लागि परेका दुवै दाबी अस्वीकृत गर्दै बहुमतको दाबी पेस गर्न थप दुई दिनकाे समय थप गरेका हुन्।
आइतबार नागरिक उन्मुक्ति पार्टीको रेशम चौधरी पक्षका लक्ष्मणकिशोर चौधरी र पार्टीकी केन्द्रीय अध्यक्ष रञ्जिता श्रेष्ठ पक्षका कैलाश चाैधरीले आ-आफ्नो पक्षमा बहुमत रहेको दाबी पेस गरेका थिए। तर प्रदेश प्रमुख मियाँले उनीहरूको दाबी नपुग्ने भन्दै बहुमतको दाबी गर्न थप द्ई दिनको समय दिएका हुन्।
आजै मात्र बालुवाटारमा सुदूरपश्चिमकाे मुख्यमन्त्री नेकपा एकीकृत समाजवादीलाई दिने सहमति भएपछि प्रमुख मियाँले सोहि सहमतिलाई ध्यानमा राख्दै मुख्यमन्त्रीको दाबीका लागि थप समय दिएका हुन्।
नयाँ सहमतिअनुसार नेकपा एसका दीर्घ साेडारी अब सुदूरपश्चिमकाे मुख्यमन्त्री बन्ने छन् ।