नुवाकोट– नुवाकोटको ककनी गाउँपालिका-२ ठुलोचित्रेमा एक युवकको खुर्पा प्रहार गरि हत्या भएको छ।

सोही ठाउँका ३० वर्षीय मंगले तामाङको धारिलो हतियार खुर्पा प्रहार गरी हत्या भएको हो। मंगलेको हत्या गरेको अभियोगमा सोही ठाउँ बस्ने ६५ वर्षीय डम्बरबहादुर तामाङलाई आइतबार राति प्रहरीले पक्राउ गरेको छ।

डम्बरबहादुरले आफ्नै घरमा मंगलेलाई खुर्पा प्रहार गर्दा मृत्यु भएको भन्ने खबर प्राप्त हुनासाथ जिल्ला प्रहरी कार्यालय नुवाकोटबाट खटिएको प्रहरीले उनलाई पक्राउ गरेको हो।

यस सम्बन्धमा प्रहरीले आवश्यक अनुसन्धान गरिरहेको बताएको छ।