काठमाडौं– एसीसी प्रिमियर कप अन्तर्गत कतारविरुद्धको खेलमा नेपालले तेस्रो विकेट गुमाएको छ। कतारविरुद्ध आक्रामक ब्याटिङ गरेका कुशल मल्ल १८ बलमा ३६ रन बनाएर आउट भए। उनले २ चौका र ३ छक्का प्रहार गरे।

त्यसअघि दोस्रो विकेटका रुपमा नेपालका कप्तान रोहित पौडेल सातौं ओभरको पाँचौं बलमा क्याच आउट भए। पौडेलले १७ बलमा ३ चौका हान्दै १८ रन बनाएका थिए।

त्यसअघि पहिलो विकेटका रुपमा कुशल भुर्तेल १२ रन बनाएर आउट भए।

अहिले क्रिजमा आसिफ शेख र दिपेन्द्र सिंह ऐरी छन्। ताजा अवस्थामा नेपाल १४ ओभरमा ३ विकेट गुमाएर १२५ रन बनाएर खेलिरहेको छ।