काठमाडौँ । सर्वोच्च अदालतले नागरिकता नभएका व्यक्तिले समेत लोकसेवा आयोगको परीक्षा सामेल हुन पाउने अन्तरिम आदेश जारी गरेको छ । न्यायाधीश तेजबहादुर केसीको एकल इजलासले यस्तो व्यवस्था आदेश जारी गरेको हो ।

सनी कुमार शाहले दिएको निवेदनमा जिल्ला प्रशासन कार्यालय धनुषालाई विपक्षी बनाइएको छ । सर्वोच्चले निवेदकको अभिभावक दुवै नेपाली भएकाले उनले माग गरे बमोजिम सुविधा दिन आदेश जारी गरेको हो ।

‘निजले माग गरे बमोजिम लोकसेवा आयोगको रा.प.अंकित प्रथम श्रेणीको ना.सु वा सो सरह पदमा आवेदन भर्न, जाँच दिन र बैंकमा खाता खोल्ने कार्य गर्नबाट नरोक्नु उक्त सुविधा प्रदान गर्नु,’ आदेशमा भनिएको छ ।