काठमाडौं– भारतमा जारी एसएमएस फ्रेन्डसिप कपको फाइनलमा भारतीय क्लब गुजरातले नेपालको राष्ट्रिय टिमले दिएको लक्ष्य पछ्याउने क्रममा उत्कृष्ट सुरुवात गरेको छ।

गुजरातविरुद्ध तेस्रो ओभरमा बलिङ गर्न आएका नेपालका बलर गुल्सन झाको पहिलो ओभरमै गुजरातले २० रन हानेको छ। ओभरको पहिलो बलमा कुनै रन नदिएका गुल्सनले दोस्रो बलमा वाइड बल फालेर एक अतिरिक्त रन दिए। त्यसपछिको लगातार २ छक्का हानेको गुजरातले पाँचौं बलमा रन लिन सकेन भने छैठौं बलमा एक रन र सातौं बलमा छक्का प्रहार गर्यो।

गुजरात नेपालले दिएको १७७ रनको लक्ष्य पछ्याइरहेको छ।