काठमाडौं- नेपाल प्रहरीका आठजना एसपीलाई आज महानिरीक्षक वसन्तबहादुर कुँवरले दर्ज्यानी चिह्न लगाइदिएका छन्।

गृह सचिवस्तरको २१ चैतको निर्णयअनुसार उनीहरू एसपीमा बढुवा भएका हुन्।

डीएसपीबाट एसपी बढुवा भएका अधिकृतहरूमा ढकेन्द्र खतिवडा, अंगुर जीसी, यादव ढकाल, सन्तोष तामाङ, श्यामबाबु ओलिया, निरञ्जनदत्त भट्ट, राजन लिम्बु र विनोद घिमिरे छन्।

उनीहरूलाई प्रहरी प्रधान कार्यालयमा आयोजित सुशोभन समारोहमा महानिरीक्षक कुँवर र मानव स्रोत विकास विभागका एआईजी टेकप्रसाद राईले फुली लगाइदिएका हुन्।