दाङ– लुम्बिनी प्रदेशका मुख्यमन्त्री डिल्लीबहादुर चौधरीले विश्वासको मत नलिई पदबाट राजीनामा दिने भएका छन्।

विश्वासको मत लिन आज अपराह्न ४ बजे प्रदेश सभा बैठक बोलाइएको छ। तर, चौधरीले विश्वासको मत नलिइ राजीनामा दिने कांग्रेस लुम्बिनी प्रदेश संसदीय दलले जनाएको हो।

उनले प्रदेश सभामा सम्बोधन गरेर राजीनामा दिने तयारी गरेका छन्।

८७ सदस्यीय लुम्बिनी प्रदेश सभामा सरकार निर्माणका लागि ४४ सांसदको समर्थन चाहिन्छ। तर आफ्नो पक्षमा बहुमत नआउने भएपछि उनले विश्वासको मत नलिइ राजीनामा दिन लागेका हुन्।