काठमाडौं- पाँचथर फाल्गुनन्द गाउँपालिका-१ खानीगाँउ बस्ने ६५ वर्षीया सुखरानी लिम्बुले आफ्नै बारीमा पात पतिङ्गर जलाउने क्रममा आगो फैलिएर सही ठाउँ बस्ने रूद्र कुमार आङदेम्बेको घरमा मंगलबार दिउँसो आगलागी हुँदा घर, घरमा रहेको नगद ५० हजार रूपैयाँ, अन्नपात, भाडाँवर्तन, लत्ताकपडा जलेर करिब ८ लाख ५० हजार रूपैयाँ बराबरको धनमाल नष्ट भएको छ ।
ताप्लेजुङ पाथिभरा याङबरक गाउँपालिका-६ टौवा बस्ने लालसुर्य खवासले आफ्नो बारीको झ्याँस डढाउने क्रममा मंगलबार दिउँसो आगलागी हुँदा सोही ठाउँ बस्ने प्रेम बहादुर खवासको २ तले ग्वाली जलेर करिब ३ लाख रूपैयाँ र अमर बहादुर रसाईलीको घर समेत जलेर करिब १५ लाख रूपैयाँ बराबरको धनमाल जलेर नष्ट भएको छ ।
सप्तरी छिन्नमस्ता गाउँपालिका-३ सखडा बस्ने ४४ वर्षीय राम कुमार साहको घरमा मंगलबार दिउँसो आगलागी हुँदा घर र घरभित्र रहेको सरसामान जलेर करिब ९ लाख २५ हजार रूपैयाँ र उनकै भाइ ३५ वर्षीय बिन्दु कुमार साहको घरमा समेत आगलागी हुँदा घर र घरभित्र रहेको सरसामान जलेर करिब ६ लाख ५० हजार रूपैयाँ बराबरको धनमाल जलेर नष्ट भएको छ ।
बार्दिया गुलरिया नगरपालिका-२ संगमबस्ती ५ नम्बर टोल बस्ने बिरवान भण्डारीको बाख्रा तथा कुखुरा फर्ममा गएराति आगलागी हुँदा कुखुराका चल्ला, दाना र फर्म जलेर करिब १२ लाख रूपैयाँ बराबरको धनमाल नष्ट भएको छ ।