काठमाडौं- आज गण्डकी, कर्णाली र सुदूरपश्‍चिमका पहाडी भेगमा हल्का वर्षाको सम्भावना देखिएको जल तथा मौसम विभागले जनाएको छ।

पश्‍चिमी र स्थानीय वायुको आंशिक प्रभावका कारण आज दिउँसो सुदूरपश्‍चिम, गण्डकी र कर्णालीका पहाडी भेगमा आंशिकदेखि साधारणतया बदली रही बाँकी भूभागमा आंशिक बदलीदेखि मुख्यतया सफा रहने छ। गण्डकी, कर्णाली र सुदूरपश्‍चिमका पहाडी इलाकाका १-२ स्थानमा मेघगर्जन र चट्याङसहित हल्का वर्षाको सम्भावना छ।

आज राति सुदूरपश्‍चिम र कर्णालीका पहाडी भेगमा आंशिकदेखि साधारणतया बदली रही बाँकी पहाडी इलाकामा आंशिक बदली र अन्य भूभागमा मौसम मुख्यतया सफा रहने छ। सुदूरपश्‍चिम, कर्णाली र गण्डकीका पहाडी इलाकाका १-२ स्थानमा मेघगर्जन र चट्याङसहित हल्का वर्षाको सम्भावना छ।