हुम्ला- घरको छतबाट लडेर घाइते भएकी एक महिलाको हेलिकप्टर चार्टर गरी उद्वार गरिएको छ।

गाईवस्तुलाई घाँस लिन घरको छतमा गएकी नाम्खा गाउँपालिका-५ मुच तुम्कोटकी ५५ वर्षीया छिरिङ तामाङ सख्त घाइते भएकी थिइन्।

तीनदेखि उपचार नपाएर छटपटाएकी तामाङलाई फिस्टेल एयरको हेलिकप्टरबाट काठमाडौं ल्याइएको हो। महँगो रकम तिरेर नाम्खा गाउँपालिका- ५ मुचु तुमकोटबाट उपचार काठमाडौं लगिएको उनका श्रीमान तन्जन तामाङले जानकारी दिए।

घाँस लिन घरको छतबाट खसेर ढाडको हड्डी भाँचिएको उनका श्रीमान तन्जनले बताए । काठमाडौं उपचार गर्न हेलिकप्टर भाडा आठ लाखमा उद्वार भएको जनाइएको छ ।